Paulusi allappoq: "Tassa kinaluunniit Kristusimiittoq pinngortitaavoq nutaaq. Pisoqaq qaangiuppoq, takuuk, nutaamik pinngortoqarpoq! Taakkuli tamarmik pipput Guutimit Kristusikkut uatsinnik imminut saammaanartitsisumit saammaannartitaanerullu piinik uatsinnik kiffartuuteqartitsisumit. Tassamiuna Guuti Kristusimi silarsuarmik saammaannartitsisoq unioqqutitsinerinillu pisuutinnagit, tatigalutali saammaanartitaanermik oqaaseq uatsinniitilerlugu. Taamaattumik Kristusi sinnerlugu oqariartortitaavugut Guuti uatsigut oqaaqqissaarimmat. Kristusi sinnerlugu qinnuigaassi: Guutimut saammaannartigitsi!". (v 17-20) Ilaanneeriarluta uppertoqaterput nakkarsimasoq tusaraangatsigu oqarasuaat tigullu, oqartarpugut, Tusarpiuuk? Inummulluunniit ungasillilluta uparuartuutinillu tikkuartulertarparput, taassuma uagutsinnik qinnunneqarnissaminik, asanninnermik tapersersorneqarnermillu, atorfissaqartitsinerani.

Biibili oqarpoq: "Tamanit annermik asaqatigiinnersi attattuinnarsiuk, asanninnerup ajorterpassuit matoortamagit". (1. Pet 4,8) Taassuma naalliuttup saammaanneq Guutip ilaqutaanit nassaarinngikkuniuk, taava sumi nassaarissavaa? Taakkununnga uparuartuillutik tikkuartuisunut ilanngunnissatsinnut paarlattuanik, assammik ikiuilluni isaassisuusutut, ilisarisimaneqartariaqaraluarpugut. Jiisusi Simon Petrusimut taama iliorpoq: "Saatanip piumavaasi qajuusiassatut nakkalatserumallusi; uangali qinnuppakkit uppersutsit soraaqqunagu. Qaqugulu saakkuit qatanngutitit nakussatsikkigit". (Luk 22,31-32) Guutip kukkussumut pigaangavit, saammaannermigut ilinnut isaasseqattaartuartarneratulli, Taassuma saammaannermik taassuminnga allanut takutitsisarnissannut, qaaqquaatit.