alluliutaaneq, usserneqarnerit, aqqusaartariaqarsimavai, aalajangiussami anguniarnerani. Angulli angusaqarluarpoq. Joseffi arlalinnik ilikkagaqarpoq, taakkulu illittaaq iluaqutigissavatit: Guutip nalunngilaa, sunik atugaqarnersutit, Taassumalu paaqqutaraatit. Oqaluttuamilu oqaaseqatigiit-aalajangiisuusut, tallimariarlutik tusarneqarput: "Naalakkalli Joseffi najorpaa". Allaat suut tamarmik ajalusoormata, Guuti Joseffip qularutigilinngilluinnarpaa.

Kiffaanngissutsimik tunineqarsimavutit qinersisinnaanissannut. Guutip kiffaanngissutsimik tunivaatit qinersisinnaaniassagavit, avatangiisinnut qanutut qisuariarsinnaanissannut: Upperneq qularnerluunniit, nuannaarneq naalliunnerluunniit, naammagittarneq naammagittaannerluunniit, il.il. Guutip ilumoornerarlugu oqaasia, tusaanngitsuusaarniarlugu aalangeruit, Guutip piumasani pitinniarlugu pingitsaalinavianngilaatit. Ilaanneeriarluta immitsinnut ajornartorsiutinut pitittarpugut, kingornalu Guuti assuaralutigu. Oqarpugut, "Tamanna Guutip piumasarisimasavaa", soorluli Guutip naalliunnigut kukkunigullu pilersaarusiarisimallugit nuannaarutigigai! Ilumoortoq unaavoq, Guutip piumasaa inuunermi tamatigut naammassineqarneq ajormat. Aappi, Taanna inuunitsinnut pilersaaruteqarpoq, kisianni tassunga atatillugu Taassuma piumasatsinnik piumassuseqarnissatsinnik tunisimavaatigut. Aamma Taassuma inuit allat aamma piumasaannik pitinnissaannut tunisimammagit, taakkua kukkussutaasa aalajangernerisalu aamma uagut ilaanneeriarlutik ajutoortissinnaavaatigut. Pisut naggatigisassaannut Guutip aquppai. Illit inuuninni pisunut akuersaanngitsunut tamanut, Taassuma mumissinnaavai ilinnut ajunnginnerpaanngortillugit. Joseffi naggataatigut oqarsinnaanngorpoq, "Ilissi pilersaarutigisimagaluarparsi ajortumik iliorfiginiarlunga, Guutilli mumissimavaa ajunngitsunngortilllugu". (Tak. 1. Mos 50,20)

Angummi pisunut ajunnginnerulersitsiniarluni tuninissaanut, Guuti sulinermini Joseffip tatigiuassagaani, naak maannakkorpiaq susoqarnersoq paasinngikkaluarlugu - aamma illit taama iliussaatit.