Israelikkut ukiuni 400-ni inussiaatitut inooreernermik kingorna Nuna Neriorsuutaasoq tigualiivippaat. Guutili ataatsimik isumakuluuteqarpoq. Taanna sunaava? Taassuma tamatsinnut isumakuluutaata assinga. Naalliuuteqaraangatta, paasisarparput, Guuti qanoq atorfissaqartitsigalutigu. Peqavataarnikkulli, Guuti taannaasoq pilluaqqussutitunut tamanut, aallaaviusoq puiukkajuttarparput. Daavip qanoq oqarnera malugiuk, Guutip innutaasa naalaffik kajumillutik sanammassuk: "Suut tamarmik ilinnit pipput, makkuttaaq tunniussagut tassapput ilinnit pisarisimasavut... Naalagaq, Guuterput, pisuussuterpassuit illit aqqit illernartoq illuliuukkumallugu katersorsimasavut tamarmik illit assannit pipput". (1. Nal 29,14,16)

Davip ullormi tassani taanna qinnutaata, erneranut Salomonimut annertuumik sunniuteqarpoq, kingorna allappoq: "Guutip inuit pisuunngortissimappagit periarfissaqartillugillu taakkua inuulluutiginissaannut taamalu akissarsisillugit suleruloornerminnillu nuannaaruteqartillugit, taannaavoq Guutip tunissutaa". (Oqa 5,18)

Immaqa oqarputit, "Sulerulunnikkut aningaasarsiorninni qaffasinnerpaamut pisinarsimavunga, imlt. "Suliffeqarfik una sulerulunnikkut sanasimavara". Kina nukissamik tunisiva? Kia pikkorissusermik tunivaatit? Kia pilersaarummik akissannik attavigisassannillu taassuma suliarinissaanut, tunivaatit? Isumaqaruit, illit nammineerlutit, taava Allakkaniittut ukua misigillugu atuariakkit, allattukkit ilinniitikkillu: "Ima oqarpoq Naalagaq, utertitssit, Israelip Illernartua: Uanga tassa Naalagaq, Guutit, iluaqutaasunik ilinnik ajoqersuisoq, illit ingerlavigisassakkut ingerltitsisoq". (Es 48,17)