Kunngi Daavi Batsebamut kanngunarsaanermi kingorna, profetimut Natan-imut ajortini ilumoorluni nassuerutigai. Daavi Natan-imut oqarpoq: "Naalakkamut ajortuliorsimavunga". Natan-ip Daavi akivaa: "Taava Naalakkap ajortuliannik isumakkeerfigaatit, toqutaassanngilatit. Kisianni taamaaliornikkut Naalakkap akerai taassuminnga mitaatiginniniisamut periarfissikkakkit..." (2. Sam 12,13-14)

Daavi Tussiaatinut kingorna allappoq: "Unioqqutitsininnit tamanit piiaaffiginnga, sianiitsumut mitaatigitinnaviinnga!". Ileqqorlunneq paasineqaraangat "ajoqusaasoq", eqqarsaatigilaartigu: Aapparisat kanngusulluni, igitaasutut, mittatigineqartutut uummatikkullu anniarnermik, misigisarpoq. Allanngortitaanissamut anguniakkap imlt. isumakkeerfigeqqullutit qinunerpit, eqqugaaneq millisissinnaanngilaat. Pasillerneq tatiginninnermik taarteqartarpoq. Meeqqavit peqqusersuitsuunerat tatiginnittuunerallu naapertuilluannginnermit, napitinneqartarput. Taakkua peqqissumik inuunermut isiginninnerat aserorneqarsinnaavoq. Angajoqqaavit, ilaquttavit, ikinngutivillu anniaat taanna misigisaat,

oqaasinngortinneqarsinnaanngilat. Kristumioqatinnullumi illit kanngusullutit misigisimassaatit, ingammik taakkununnga, ilinnit ersarissumik ataqqinnittuusunut, naleqartitsillutillu ilinnik tatiginnittunut.

Nakkarnerit allaniit akuerineqartutut paasineqarsinnaavoq, taakkua aamma taama iliorsinnaanerannut.

Ilukkut eqqissisimasuunerit tammassaaq. Guutimut tatigeqatiginninnerit annaassavat.

Akeqqatillu mitaatiginninnissaannut asissuinissaannullu suli annerusumik tunngasissaminnik pipput, suliallu takutitat ajoquserneqassaaq.

Misigisaq akisoorujussuuvoq. Suna akissutaava? Anersaaq Illernatumiit immerneqarit immeqqajuarillu, pissutigalugu: "Anersaap inerititat tassaapput... imminut naalakkersinnaaneq". (Gal 5,22-23)