UCBMEDIA ... Ullormut oqaaseq ... GrÝnlandsk GL Dansk DK Norsk NO Svensk SE

2020-08-04Læs et Ord til Dagen i dag (2020-08-05)2020-08-06
Ord for 2020-08-05
Pingasunngorneq augustip 5-at
Guutimut tamarmik pigititaapput (3)
”Siilvi uanga pigaara, kuulti uanga pigaara oqarpoq Katersaarsuit Naalagaat”. Hagg 2,8
Inuk toqqavissaa eqqarsaatiginngiivillugu illuliortoq, qanoq isumaqarfigaajuk? Sianiik! Guuti oqarpoq, ”pisuussutinik allanngujasunik neriunnertulli” illuni sianiilliorneruvoq. (1.Tim 6,17)
1948-p 2001-llu akornanni USA-p aningaasaqarnera appariartuinnarpoq, agguaqatigiissillugillu ukiumik ataatsimik tamarmik sivisussuseqartarlutik, kingunerivaallu miliartilikkuutaanik dollarsinik annaasaqarnera. Ukiullu tallimat missiliorlugilluunniit aningaasaqarnikkut aqutsisut attartortitsiserisartakkatik piiartariaqartarpaat, aallarttarlutillu aallaqqaataaniit. Angummut ukiuni 50-ni inuunermini assigiinngitsunut nuliaminut qulingiluanut katissimasuulluni tiingasumut, oqaatsit suut atorlugit oqaluttuarissaviuk? Tatiginanngitsooq? Nuliaasut qulingiluaat qanutut oqaluttuarissaviuk? Sianiilliortoq?
Abrahami nalimini pisuunerpaajusimavoq, aamma Jobi taamaasimavoq. Testamiintitaami nutaameersuni ilagiit akornanni pisoortaqarput. Biibili oqarpoq: ”Taamaattumillu taakkua akornanni ajorsartoqanngilaq, tassami nunaammik illumilluunniit pigisaqartut taakku tunillugit aningaasat pissarsiatik aggiuttarpaat, apustilillu isigaasa saavannut ilisarlugit; taakkualu aningaasat agguaattarpaat ataasiakkaat pisariaqartitsinerat naapertorlugu”. (Aps 4,34-35)
Guutip aningaasaqarnerit pilluaqqorusuppaa, suliai pilluaqquniassagakkit. Ilagulli aningaasanik amerlanerusunik pisinnaanngillat, pissutigalugu Guutip nalunnginnamiuk, suli inerisimanerput amigaateqartoq. Naammagittaallioraluaraanni iluaqutaanngilaq; aningaasanillu amerlanerusunik peqartitaminut oqarpoq, ”ajunngitsuliussasut, ajunngitsulianillu pisuussuteqaqqullugit,… tukkusooqqullugit, allanullu tunisisaqqullugit…”. (1. Tim 6,18-19) Ilumoortumik oqaatigalugu suuteqanngilagut; ingerlatsisuinnaavugut. ”Uanga siilviutigaakka, uanga kuultiutigaakka” oqarpoq Katersaarsuit Naalagaat”. (Hagg 2,8) Eqqortumik oqaatigalugu aningaasaqarnerit pillugu qularunnaarnavianngilatit, Guutip ilinnit piumasaanut ”aapi”-tinnak – takusinnaassagillu paariuaannaavikkumagaatit. Taamaattuassasorlu!
Biibilimi atuagassiat: Tuss 35; 2. Tess 2; Es 23-24

Nipaallisimaarnerit nukissaqalersitsisarput

Bestil den trykte udgave af et “Ord til Dagen”. word@UCB.dk
UCB MEDIA, Box 92, 2770 Kastrup.
tlf. 32 340 112