Meeqqamik pisunnermik ilinniartumik qangaluunniit takunnissimaguit, nalunngilat, orluneq ilinniarnermut pingaaruteqartuusoq. Meeqqallu nappaarinnissaata nukiisalu ineriartornissaannut, nikueqqinneq aalajangiisuuvoq. Tilluuttartoq uppititaagaluarluni taamatuttaaq atorsinnaanngitsutut tunuartitaaneq ajorpoq; nikueqqinngikkuni atorsinnaanngitsutut tunuartitaassaaq. Tilluuttartut nalunngilaat natermut uppititaassallutik, taamaammat isumannaatsumik tunnissartik, nukingersumillu nukuittarnissartik, sianigisarpaat. Meeqqat inersimasullu una ilinniartarpaat: Nikueqqinneq pineqarpoq. Orluneq iluartunut iluaatsunullu nalinginnaasuusoq Biibilip oqaluttuuppaatigut. Nikueqqinnerup inuit immikkuullarissitittarpai: Ó Iluartoq arfineq-marloriarluni orlusinnaasaraluarpoq nikueqqittarlunili, iluanngitsulli naakkiullutillu orlusussaapput ajunaassallutilluÓ. (v 16)

Iluaatsoq nikueeqissanngilaq - iluartoq nikueqqissaaq! Allakkani Guutip kiffaasa anginersaasa ilaat, inuttut ajorsarneq misigisarpaat, orlulutillu. Abrami nuliani Sarah pillugu Faoromut salluvoq. (Tak. 1. Mos 12, 11-17) Jaakup ataatani uupakaatippaa, qatangummilu angajulliliatut inunnguutsiminik pisussaaffigisaanik tillippoq. (Tak. 1. Mos 20,7-12) Taamaakkaluartoq atorsinnaanngitsutut tunuartitaanngillat; paarlattuanik tamarmik Óuppernertik ersarissitippaatÓ (Hebr 11,39) Sooruna? Ajortitik nassuerutigigamikkit, Guutillu isumakkeerfiginninnera pigamikku. Allatut oqaatigalugu: Orlupput, masseqqippulli. Amma illit orluguit, masseqqissinnaavutit. Taanna ingerlaarninni Óuppernerup-ilagaaÓ. Nikueqqinngikkuit, ajorsarnermik akuersaartutut ippoq - nikueqqikkuit, uppernerit aallartinneqassaaq!